اسلام آباد۔31اگست(اے پی پی) پاکستان اچ وفاقی جمہوری جمہوریہ ای??ھو??یا دے خصوصی ایلچی اتے سفیر ڈاکٹر جیمال بیکر اسلام آباد نیشنل پارک، ٹریل 5 اچ مارگلہ پہاڑیاں کوں کچرے توں پاک کرݨ سانڳے صفائی مہم دی قیادت کیتی جیں توں جنگلی حیات کوں ٻہوں خطرہ اے ۔ ترجمان دفتر خارجہ توں جا??ی اعلامیہ موجب ای??ھو??یا دے سفارتخانہ ، گھوم لے اتے اسٹوڈیو ون دے اہتمام نال سانجھے طور تے ایں مہم دا آغاز ای??ھو??یا دے وزیر اعظم ڈاکٹر ابی احمد دے گرین لیگیسی انیشیٹو دے تحت ایتھو پاکستان براد??ی دے حصے دے طور تے کیتا ڳئے ۔ صفائی مہم اچ حکومتی عہدیداراں، سفارتی برادری، سول سوسائٹی، نینگر تے میڈیا سودھے زندگی دے سارے شعبیں توں تعلق رکھݨ آلے لوکاں شرکت کیتی جیں دا مقصد ݙوہیں ملکاں دے بہتر مستقبل سانڳے مشترکہ کوششاں اڳوں ودھیندے ہوئیں ایتھو پاکستان برادرانہ تعلقات کوں ودھارا ݙیوݨ ہئی ۔ ایں موقع تے میڈیا نال ڳالھ کریندے ڈاکٹر جیمال بیکر آکھیے اڄ دے اجتماع دا مقصد اے سنھیا ݙیوݨ ہئی جو انسانی اتے مالی وسائل دا وݙے پیمانے تے متحرک ہووݨ عصری اتے نویں عام چیلنجاں جیویں جو موسمیاتی تبدیلی دے مسئلیں نال نبݨݨ دا ھک حل اے ۔ انھاں آکھیے ای??ھو??یا گزریل ہنج سالاں اچ پھل، سبزیاں اتے گھا دے 40.5 بلین توں ودھ ٻوٹے رہا تے ھک ساوی معیشت بݨیندا پئے جیں توں ای??ھو??یا اچ روزگار دے موقع بݨئن تے خوراک دی حفاظت یقینی بݨائی ڳئی اے۔ گرین لیگیسی انیشیٹو دے تحت ریکارڈ بھن ݙیوݨ آلی شجرکا??ی دا شروع کیتی ڳئی اے جیڑھی میڈیمر فلسفے توں متاثر ساݙے وزیر اعظم دے اقدامات کوں ظاہر کریندے ، اے اقدامات وسائل کون وݙے پیمانے تے متحرک کرݨ تے انھاں دی صف بندی دی وکالت کریندن ۔ اساں پاکستان اچ ایں گرین لیگیسی انیشی ایٹو دا آغاز کیتے کیوں جو میں ذاتی طور تے پاکستان دے سارے شہراں اچ ڳیاں تے معاشرے دے سارے طبقیں کوں ماحولیاتی تبدیلیاں دے سنگین خطرے کوں گھٹ کرݨ سانڳے متحرک کیتے۔ انھاں نینگراں تے زور ݙتے جو او ایہو جیہے اہم اقدامات سانڳے ساریں توں اڳو?? رہن ۔ انھاں اسلام آباد وائلڈ لائف مینجمنٹ بورڈ، گھوم لے اتے اسٹوڈیو ون دا شکریہ ادا کیتے جو انھاں اسلام آباد اچ ای??ھو??یا دے سفارت خانے نال ایجھے انسانیت دوست تے مہربان اقدام تے شراکت داری کیتی۔ای??ھو??یا دے سفیر ݙوہیں ملکاں وچال معیشت، تعلیم، صحت، موسمیاتی تبدیلی، ثقافت اتے ٹیکنالوجی دی منتقلی جیہے مختلف شعبیں اچ ݙو پاسے علاقائی اتے کثیرالجہتی تعاون ودھاوݨ سانڳے ای??ھو??یا نال کم کرݨ سانڳے حکومت پاکستان دے عزم دی وی تعریف کیتی ۔گھوم لے (پرائیویٹ) لمیٹڈ دے چیف ایگزیکٹو افسر محمد حارث ٹریل 5 مارگلہ ہلز دی صفائی سانڳے آپݨی تنظیم اتے ٻئیں نال سانجھ کرݨ تے ای??ھو??یا دے سفارت خانے دا اظہار تشکر کیتا۔انہاں وفاقی دارالحکومت اسلام آباد تے ٻئے شہراں اچ ماحولیات دے تحفظ سانڳے ضروری اقدامات چاوݨ دا عزم کیتا
