اسلام آباد ۔21 اکتوبر (اے پی پی) قومی احتساب بیورو (نیب) معیشت دی بہتری، تاجر برادری دے تحفظات اتے جائز شکایتاں دے ازالے کیتے نیب آرڈیننس 1999دے سیکشنC 33- دے تحت ڈتے گے اختیارات کوں استعمال کریندے ہوئیں نیب دے ایگزیکٹو بورڈ دی مشاورت دے بعد ہک 6 رکنی کمیٹی قائم کرنڑ دا فی??لہ کیتے۔ کمیٹی سارک چیمبر آف کامرس اینڈ انڈسٹری دے نائب صدر افتخار علی ملک، پاکستان فیڈریشن آف چیمبر اینڈ انڈسٹری دے صدر دارو خان اچکزئی، بینک الفلاح دے سابق صدر عاطف باجوہ، لاہور چیمبرآف کامرس اینڈ انڈسٹری دے صدر انجم نثار، ملت ٹریکٹرز دے چیئرمین سکندر مصطفی خان، سی پی ایل سی کراچی دے سابق چیف جمیل یوسف تے مشتمل اے ۔ مذکورہ کمیٹی بزنس کمیونٹی متعلق ک??یں وی مسئلے تے اپنڑیاں سفارشاں چیئرمین نیب کوں پیش کریسی جیں دا پورا جائزہ تے نیب دی 3 رکنی کمیٹی جیرھی جو ڈپٹی چ??یرمین نیب، پراسیکیوٹر جنرل اکاﺅنٹبلیٹی نیب اتے ڈی جی آپریشن نیب تے مشتمل ہوسی ہر سفارش دا جائزہ گھن تے اپنڑی حتمی سفارشات چئیرمین نیب کوں پیش کریسی تے بغیر ک??یں تاخیر دے قانون دے مطابق ایندا فی??لہ کیتا ویسی۔
نیب دا تاجر برادری دے تحفظات اتے جائز شکایتاں دے ازالے کیتے 6 رکنی کمیٹی بنڑاونڑ دا فیصلہ
مضمون کا ماخذ : کمپیوٹر لاٹری
متعلقہ مضامین
