اسلام آباد 27 جولائي (اے پي پي) وزيراعظم عمران خان وئيلي دي پاکستان د نړۍ په ھغه يو څو هېوادونو كښې شامل دے چرته چې د كرونا په وباء قابو موندلے شوے ٬ د لوي اختر او د محرم په مهال احتياط كولو ته اړتيا ده دغسې چې د صورتحال په ښه كېدو د تعميرات څانګې غوندې نورې هم د اېس او پيز تر مخه پرانستلې شي، مونږ له د كرونا مخ نيوي سره خپل اولس د لوږې نه بچ كول وو٬ دې لپاره د خطر باوجود مو د سمارټ لاك ډاٶن پرېكړه وكړه كومه چې د لوي څښتن په فضل او كرم غوره ثابت شوه٬ كه د لوي اختر او محرم په موقع مو احتياط ونه كړو نو كېسونه زياتېدے شي۔ وزيراعظم عمران خان دا خبرې په وزيراعظم آفس كښې د كرونا وائرس صورتحال د جاج اغستو غونډې نه پس خپله وېنا كښې وكړې۔ په دې موقع وفاقي وزيران سېنېټر شبلي فراز، اسد عمر، حماد اظهر، قامي صحت لپاره د وزيراعظم خاص مرستيال ډاکټر ظفر مرزا، د كرونا وائرس صورتحال لپاره د وزيراعظم فوکل پرسن ډاکټر فېصل سلطان او د وزيراعظم د سماجي تحفظ او د غربت د تحفيف مرسيتاله ډاکټر ثانيه نشتر هم په دې موقع موجود وه۔ وزيراعظم ووئيل د لوي څښتن په فضل و كرم د كرونا كېسونو او د مرګونو شرح كښې كمے راغلے او پرون د دريو مياشتو په مهال د ټولو نه ټيټه شرح ريکارډ كړې شوې٬ په روغتونونو د رنځورانو چې كوم فشار ٶ ھغه هم كم شوے ، په آئي سي يو او اكسيجن بېډز هم فشار كم پاتي شوے۔ وزيراعظم ووئيل دا د لوي څښتن په مونږ خاص كرم دے چې پاكستان په ھغه يو څو هېوادونو كښې شامل دے چرته چې د کرونا په وباء قابو موندلے شوے خو اوس لا دا چېلنج ختم شوے نه دے٬ مونږ له د احتياط لمن د لاسه پرېښودل نه دي پكار ۔ ده ووئيل په 13م مارچ چې مو كله لاك ډاٶن وكړو نو يو شمېر چېلنجونه رامخئ ته وو٬ نن مونږ د سخت وخت نه رابهر شوي يو او د کرونا کيسز شمېره كمه شوې۔ وزيراعظم ووئيل په مونږ فشار ٶ چې مونږ د اروپا غونډې اقدامات وكړٶ۔ده ووئېل مونږ هم لاك ډاٶن وكړو او زمونږ حكومت وړومبے حكومت ٶ كوم چې په دې خبره پوهه شو چې داروپا او چين په مقابل كښې زمونږ د هېواد حالات مختلف دي٬ د پاکستان حکومت ھغه وړومبنے حكومت ٶ كوم چې په دې خبره پوهه شو چې كله په هېواد كښې غربت او انفارمل لېبر وي، په کچه آبادو كښې خلق مېشته وي،د 70 نه تر 80 فيصده لېبر رجسټر نه وي، هلته به د كرونا مخنيوي لپاره مخلتف لائحه احتيارول وي۔ده ووئېل مونږ په مشاورت ھغه پرېكړې كړې په كومو چې نړۍ وروسته پوهه شوه٬ پاکستان د سمارټ لاك ډاٶن هغه لائحه خپله كړې چې نړۍ پرې وروستو پوهه شوه۔ وزيراعظم ووئيل پاكستان غوندې هېواد چرته چې اووه اته كسان په يوه كوټه كښې اوسېږي٬ هلته كرفيو او لاك ډاون نه شې كېدلے٬ زمونږ اولس زياتره ديهاړي مار٬ چھابړي فروش، رکشه ډرائيور او په خواري كښ خلق دي ، كه مونږ دوي تر كورونو محدود كړے ووے نو د لوږې به مړه شوي وو ۔
پاکستان د نړۍ په ھغه يو څو هېوادونو كښې شامل دے چرته چې د كرونا په وباء قابو موندلے شوے ٬ د لوي اختر او د محرم په مهال احتياط كولو ته اړتيا ده
مضمون کا ماخذ : پاور بال کا ٹکٹ
متعلقہ مضامین
