د حکومت د مودې تر پائي به د پاكستان د زرمبادله پانګې د 14 نه تر 15 اربه ډالرو ورسي، آئي اېم اېف سره لوظنامه د قامي كاميابي ده ٬ د تړون له مخې به پاكستان ته درې اربه ډالره ترلاسه شي۔ د وفاقي وزير سينيټر اسحاق ډار پرېس کنفرنس

لاهور 01 جولائي (اے پي پي) د خزانې وفاقي وزير سينيټر اسحاق ډار د دې اميد څرګندونه كړې ده چې د حکومت د مودې تر پائي به د پاكستان د زرمبادله پانګې د 14 نه تر 15 اربه ډالرو ورسي، آئي اېم اېف سره لوظنامه د قامي كاميابي ده ٬ د تړون له مخې به پاكستان ته درې اربه ډالره ترلاسه شي۔ ۔ په ګورنر هاٶس كښې وزيراعظم محمد شهباز شريف، وفاقي وزيرې مريم اورنګزېب او د پنجاب ګورنر محمد بليغ الرحمان سره پرېس كنفرنس ته خپلې وېنا كښې ده ووئيل حكومت آئي اېم اېف په دې خبره قائل كړې چې كه د اختتامي پروګرام 2.5 اربه ډالره پاتې رقم پاكستان ته ورنه كړې شو نو دا به ډېره ناانصافي وي۔ ده ووئيل آخر دا چې سټينډ بائي لوظنامه وشوه او اوس به آئي اېم اېف په 9 مياشتو كښې پاكستان ته درې اربه ډالره وركوي٬ د آئي اېم اېف د بورډ غونډې نه پس به د جولائي په نيمائي كښې د 1.1 اربه ډالرو وړومبې قسط پاكستان له جاري كړې شي٬ ده ووئيل تېر حكومت چې كله اقتدار پرېښودو نو د هېواد د مجموعي غېر ملكي قرضو او واجبات 130 اربه ډالره ته رسېدلې وې او په كال 2017 كښې د هېواد مجموي غېر ملكي قرضه 70 اربه ډالره وه۔ ده د هېواد ديواليه كېدو د ادعاګانو ترديد كولو سره ووئيل چې پاكستان درې زره اربه ډالره اثاثه لري٬ يو اهم پېشرفت د وړاندې نه شوې دې پاکستان د کمرشل بېنکونو د قرضو په مد كښې 5 اربه ډالره ادا كړې دي چې ورسره په بهرنيو قرضو كښې 4 اربه ډالره كمې راغلې۔ په دې موقع وفاقي وزير د چين لخوا په بشپړه مرسته د چين مننه وكړه كومو چې د پاكستان د مجموعي پانګو كچه تر 10 اربه ډالرو رسولو كښې اهم كردار لوبولې۔ ده ووئيل د حکومت د مودې تر پائي به د پاكستان د زرمبادله پانګې د 14 نه تر 15 اربه ډالرو ورسي، آئي اېم اېف سره لوظنامه د قامي كاميابي ده ٬ د تړون له مخې به پاكستان ته درې اربه ډالره ترلاسه شي٬ وزيراعظم محمد شهباز شريف آئي اېم اېف سره په لوظنامې خاص پام كړې٬ وزيراعظم چې په پېرس كښې كومې سټړے كړې دي په ھغې د وزيراعظم مننه كوٶ۔ ده ووئيل چې د آئي اېم اېف لوطنامې لپاره د ے وزيراعظم هڅې د ستائنې وړ دي٬ د لوظنامې په مهال ستونزې رامخې شوې خو د لوي څښتن په مننه كاميابي ترلاسه شوې۔ ده ووئيل په تېرو لسو ورځو كښې لوظنامې لپاره آئي اېم اېف اماده كړې شوې۔ ده ووئيل د هېواد دننه او بهر خلقو دا مايوسۍ خپرولې چې هېواد به ديواليه شي او دوي به دا وئيل چې يو بېلونه ډالر بانډ به ادا نه كړې شي ٬ خو محمد شهباز شريف خپل دوره كښې بانډ ادا كړل۔ ده ووئيل مونږ نه په بانډ ادا كولو كښې تاخير كړې او نو مو پېرس كلب سره رجوع كړې٬ په وخت مو ادائيګي كرې٬ دې لپاره چې د لوي څښتن څومره هم مننه وكړې شي كمه ده۔ د خزانې وزير ووئيل په تېر دور حكومت كښې پاكستان ته په معاشي توګه زيان رسولې شوې٬ ځينې خلقو د ديواليه كېدو بې لارې كوٶنكې ډنډورې خپرولې٬ پاكستان به بيا 24 معيشت جوړٶ۔ ده ووئيل وزيراعظم شهباز شريف او حکومت چې په بجټ كښې كومې دعوې كړې دي په ھغې به په بيړه عملدرامد كوٶ۔ سينيټر اسحاق ډار ووئيل آئي اېم اېف سره په لوظنامه كښې وزيراعظم قائدانه کردار ادا کړے،ده د طارق باجوه پشمول د خزانې وزارت ډلې٬ د خزانې سېكتر امداد الله بوسال، علي طاهر٬ د وزير مملکت عائشه غوث، د مركزي بانك ګورنر جميل احمد، د ايف بي آر د ډلې پشمول د طارق پاشا هم په لوظنامه كښې بشپړه كردار لوبوي۔ ده د خزانې د پخواني سېكتر حامد شېخ د كردار هم ستائنه وكړه۔(