اسلام آباد 28 اکتوبر (اے پي پي)د كورنيو چارو وفاقي وزير شېخ رشيد احمد د كالعدم تنظيم تشدد كوونكو مظاهرچيان له خبردارے وركړے چې بس ډېره وشوه٬ حكومت به نه يرغمالېږي٬د رياست رټ به په هر صورت قائمولے شي٬ټولې غوښتنې منلې شوې وې٬احتجاج كوم جواز نه لري٬لاريون به هر صورت ايسارولے شي۔د زيارت په ورځ په خپل بيان كښې ده ووئيل كه مظاهرچيان بېرته مركز ته لاړ شي نو حكومت هغوي سره خبرو اترو كولو له چمتو دے خو د جي ټي روډ د بندولو اجازه به ورنه كړی شي٬ځكه چې په دفاعي توګه دا يوه مهمه لاره ده٬دا بندېدې نه شي۔ده ووئيل د خالي په شپه به د سعد رضوي سره بيا خبرې كېږي٬وزيراعظم عمران خان د پاكستان د مدينې رياست په ډول تعمير له اقدامات كوي٬د نبي كريم(ص)د ناموس حفاظت او د اسلاموفوبيا چارې هغه په هر نړيوال فورم پورته كړي او په ګرده نړۍ كښې د عالم اسلام غږ جوړ ګرځېدلے۔ داخله وزير ووئېل په حكومتي كچه په وړومبي ځل په ګرد هېواد كښې رحمته اللعالمين عشره په زړه پورې ډول لمانځلې شوې او دغسې رحمته اللعالمين اتهارتي جوړه كړې شوې۔ده ووئيل هر كله چې غوښتنې د وړاندې څخه منلې شوي نو د احتجاج او تشدد كوونكو مظاهرو هېڅ جواز نه پاتې كېږي۔د فرانس سفير پاكستان پرېښودے او تلے ۔ ده ووئېل په دې هنګامو كښې د پوليس ځوانان شهيدان شوي٬د دې حساب به څوك وركوي٬مظاهرچيانو په پوليس نيغ په نيغه د كلاشنكوفونو څخه ګولۍ ورولي٬پاكستان ته په زيان رسولو د اسلام كوم خذمت كېږي؟ ده ووئېل چې كوم حالات راپیدا كړے شوي دې څخه به لبيك او حكومت دواړو ته زيان رسي۔داخله وزير ووئيل په پاكستان د نړيوالو بندېزونو لګولو سازش كېږي۔ده ووئيل مونږ پوليس له هغه اختيارات نه دي وركړي كوم چې هغوي زمونږ نه غواړي٬كه خبره وړاندې لاړه نو څوك چې په سړكونو دي د دوي زيان به زيات وشي۔داخله وزير ووئيل تحريك لبيك دې سياسي كردار ادا كړي٬اليكشن كمېشن په دوي بندېز نه دے لګولے٬هغه دې سياسي كردار ترسره كړي۔ده ووئيل حكومت به نه ماتې خوري او نه به يرغمال كېږي٬د رياست رټ به قائمولے شي او مظاهرچيان به په هر صورت ايسارولے شي
حكومت به نه يرغمالېږي٬د رياست رټ به په هر صورت قائمولے شي٬ټولې غوښتنې منلې شوې وې٬احتجاج كوم جواز نه لري۔شېخ رشيد احمد
مضمون کا ماخذ : لکی لیپریچون
متعلقہ مضامین
