اسلام آباد13ستمبر (اے پي پي)صدر ډاکټر عارف علوي د درېم پارلماني كال په پائې او د څلورم پارلماني كال په پېل پارلماني غړو له مباركي وركولو سره وئيلي ديچې د تېرو دريو كالو د حكومتي كاركردګۍ په سبب هېواد په نوي او مثبت لور روان شوے٬ پاکستان د کورونا وباء باوجود د نړۍ په مقابل كښې په معاشي توګه د بهترين كاركردګۍ وړ هېواد دے چې شرح نمو ئې 3.94 فيصده وه، برآمدات 25 اربه 30 کروړډالره او ترسېلات زر 19 اربه 30 كروړه ډالره رېكارډ كچې ته رسېدلي دي۔ د ګل په ورځ د پارلمان شريكې غونډې ته خپلې وېنا كښې صدر ډاکټر عارف علوي ووئيل سټاك اېکسچينج كښې د سرمايه كارۍ ټول پخواني رېكارډز مات شوي دي٬ سټاك اېکسچينجد آسياء د بهترين او د نړۍ د څلورم بهترې كاركردګۍ اعزاز ترلاسه كړے۔ ده ووئيل د دې نه وړاندې نړيوال بېنك پاكستان كښې په كاروبار د آساينو پحقله د 28مې درجې عنديه وركړې او د بهرنۍ سرمايه كارو پاكستان كښې د كاروبار پحقله 60 فيصده اضافه شوې ده۔ ده ووئيل اېف بي آر په كال 21-2020 كښې 4 زره 732 اربه روپۍ محصولات جمع كړي دي او دا ئې د سږني كال په دوه مياشتو كښې د هدف نه 160 اربه روپۍ زياتې ترلاسه كړي دي٬ ټولې شمېرې د سرمايه كارو او د اولس لخوا په حكومت د اعتماد مظهر دے۔ ده ووئيل د حکومتي اقداماتو له امله د آئي ټي برآمداتو كښې 47 فيصده اضافه شوې ده٬ تر اوسه 17 لكه ځوانانو ته فني تربيه وركړې شوې ده٬ بې وسه او مېنځنۍ طبقې خپل كور لپاره د هاٶسنګ خاص منصوبه پېل كړې شوې ده ۔ ده ووئيل پاکستانكښې ځوانان هنر مند كولو لپاره بېلا بېلې منصوبې پېل شوې دي۔ ده ووئيل د حكومتي كاركردګۍ لاره شور شرابې سره نشي نيولې
د تېرو دريو كالو د حكومتي كاركردګۍ په سبب هېواد په نوي او مثبت لور روان شوے٬ سټاك اېكسچېنج د آسياء د بهترين او د نړۍ د څلورم بهترې كاركردګۍ اعزاز ترلاسه كړے دے۔ د صدر ډاکټر عارف علويد پارلمان شريكې غونډې ته وېنا
مضمون کا ماخذ : ٹکی انماد
متعلقہ مضامین
