پېنډۍ 18 مئي (اے پي پي) اولس مشر ممنون حسېن وئيلي دي چې اوسنې حكومت اولس ته د معياري او ارزان طبي آسانۍ وركولو عزم لري او په دې لړ كښې ئې قامي صحت پروګرام پېل كړې٬ طبي پوهانو او ډاكټرانو له پكار دي چې د خلقو ستونزې كمولو كښې خپل كردار ترسره كړي۔ اولس مشر دا خبرې د زيارت په ورځ د آرمي ميډيكل كالج كانووكېشن2017م ته خپلې وېنا كښې وكړې۔ په دې موقع اېجوټېنټ جنرال لېفټېننټ جنرال انور علي حېدر، د نېشنل یونیورسټي آف میډیکل سائنسز وائس چانسلر سید محمد عمران مجید او سرجن جنرال لیفټېننټ جنرال آصف ممتاز سکھیرا او د آرمي میډیکل کالج پرنسپل مېجر جنرال سلیم احمد خان هم موجود وو۔ اولس مشر ووئيل چې د پرمختګ كوٶنكي هېواد په حېث زمونږ وسائل محدود دي او د غربت٬ محرومۍ او ځينې نور سماجي او معاشي وجوهاتو له امله د علاج معالجې صورتحال ډېر پېچلې دے٬ بې شمېره خلق او دې وجې مړه شي يا خپل ژوند د معذورۍ په حالت كښې تېروي ولې چې د غربت او د اوږدو فاصلو په سبب د درملنې نه محرموم پاتې كېږي۔اولس مشر ووئيل په دې وضعه كښې د ډاكټرانو رحم او د خېرښګړې ادارو كردار مهم شي۔ اولس مشر ووئيل پاكستانۍ ټولنه په دې معامله ډېره خوش قسمته ده خو كه طبي تعليمي ادارې او زمونږ ځوانان ډاكټران د خپلو نورو پېشه وارانه ذمه واريو ترسره كولو سره د درملنې آسانه او ارزانه كولو لپاره تحقيقي هلې ځلې وكړي نو د دې به ډېرې ګټورې نتيجې رامخې ته شي ۔ اولس مشر ووئيل نېشنل يونيورسټي آف ميډيكل سائنسز او دغسې نورې قامي ادارې تحقيق ته پام كولو سره د خېر د كار دا لړۍ پېل كولې شي او د دړدمند انسانيت خدمت لپاره جديد او آسانۍ طريقې لټولې كېدې شي۔ده ووئيل په دې لړ كښې د عصر حاضر تجربو څخه هم ډېر څه زده كېدې شي۔ ده ووئيل د نړۍ هره پېشه ډېره مهمه ٬د احترام جوګه او د انساني ټولنې حاجتونه ترسره كولو لپاره ډېره ضروري وي ولې د طب حېثيت پياوړې دے ولې چې خلق د طبيب ته د ھغوي په زخمونو د مرهم كېښودنكي امانتدار حېثيت وركوي۔ ده ووئيل ډاكټران او طبي پوهان دې په اخلاص د اولس خدمت وكړي ۔ده ووئيل دا خبره د خوشحالۍ ده چې مېرمنې د طب مېدان پشمول په نورو څانګو كښې د زياتو نه زياته برخه اخلي۔ ده ووئيل سي پېك د نوې امكاناتو نوم دےچې ګټه به ئې يوازې پاكستان ته نه بلكې ټولې منطقې ته ورسي۔ اولس مشر ووئيل د خوږ هېواد د طبي خدماتو په تاريخ كښې د آرمي ميډيكل كالج خدمات ځانګړي دي۔ د پاكستان پوځ اوس اوس نېشنل يونيوسټي آف ميډيكل سائنسز هم جوړ كړے كوم چې په لنډ وخت كښې د خپلې كاركردګۍ په سبب ځانګړې پېژندګلې جوړه كړې۔ اولس مشر هيله ولرله چې پوهنتون به په ډېر لږ وخت كښې ډېرې مهمې كارنامې ترسره كړي۔ په دې موقع د نېشنل يونيورسټي آف ميډيكل سائنسز وائس چانسلر لېفټېننټ جنرال عمران مجید او د آرمي میډیکل کالج پرنسپل مېجر جنرال سلیم احمد خان هم وېنا وكړه۔ په دستوره كښې د اېم بي بې اېس او د بي ډي اېس په امتخانونو كښې ځانګړې پوزشينونه ترلاسه كونكو زده كوٶنكو ته تعريفي سندونه او مېډالونه هم وركړے شول
حکومت اولس ته د معياري او ارزان طبي آسانۍ وركولو عزم لري۔
مضمون کا ماخذ : لاٹری ٹکٹ آن لائن دستیاب
متعلقہ مضامین
