دوحہ۔31اکتوبر(اے پی پی) وزیراعظم محمد شہباز شریف آکھیے جو پاکستان اچ زراعت، انفارمیشن ٹیکنالوجی اتے سیاحت سودھے متنوع اقتصادی شعبیں اچ سرمایہ ک??ری دے پرکشش موقع دستیاب ہن، حکومت غیرملکی سرمایہ کاراں کوں سازگار ماحول ݙیوݨ سانڳے پرعزم اے ۔وزیراعظم دفتر دے پریس ونگ توں ج??ری بیان موجب اے ڳالھ وزیراعظم محمد شہباز شریف قطر دے وزیراعظم شیخ محمد بن عبدالرحمن الثانی نال ملاقات اچ آکھی ۔ ایں موقع تے ݙوہیں رہنماواں سانجھے تعلقات خصوصاً تجارت، سرمایہ کاری، توانائی اتے ثقافتی تبادلیں سودھے ٻئے شعبیں اچ ݙو پاسے تعاون ودھاوݨ تے ڳالھ مہاڑ تھئی ۔وزیراعظم شہباز شریف پاکستا?? دی اقتصادی ترقی اچ قطر دے تعاو?? دی تعریف کیتی تے مختلف شعبیں اچ مسلسل حمایت تےاظہار تشکر کیتا۔ انہاں ݙوہیں ملکاں وچال اقتصادی تعلقات مزید مستح??م کرݨ سانڳے پاکستان دے عزم دا اعادہ کیتے ۔ وزیراعظم قطر اچ موجود پاکستانیاں دی میزبانی تے قطر دی حکومت دا شکریہ ادا کیتے اتے آکھیے جو اتھاں رہݨ آلے پاکستانی ݙوہیں ملکاں دی ترقی اچ پل دا کردار نبھیندے پئن ۔ ملاقات اچ ݙوہیں رہنماواں عالمی اتے علاقائی مسئلیں تے ڳالھ مہاڑ کیتی تے انہاں چیلنجاں نال نبݨݨ سانڳے پرامن حل اتے سانجھے تعاو?? دی لوڑھ تے زور ݙتا۔ وزیراعظم شہباز شریف غزہ جھیڑے تے قطر دے اصولی موقف اتے خطے اچ امن و استحکام دے ودھارے سانڳے ایندی مسلسل کوششاں دی وی تعریف کیتی ۔ انھاں جھیڑے دے حل تے غزہ دے عوام دیاں مصیبتاں گھٹ کرݨ سانڳے قطر دے انسانی ہمدردی دے اقدامات اتے سفارتی کوششاں دی وی تعریف کیتی۔ انہاں مشرق وسطیٰ ا?? دیرتئیں امن دے ودھارے سانڳے قطر دی اہمیت کوں منیندے ہوئیں مذاکرات دے سہولت کار اتے علاقائی جھیڑیں دے منصفانہ حل سانڳے قطر دے کردار دی تعریف کیتی ۔ ایں موقع تے قطر دے وزیراعظم شیخ محمد بن عبدالرحمن الثانی خطے اچ پاکستا?? دی سٹرٹیجک اہمیت کوں اجاگر کریندے اقتصادی ترقی اتے علاقائی استحکام دے قطر دے وژن موجب پاکستان نال تعلقات کوں مضبوط بݨاوݨ سانڳے آپݨے عزم دا اظہار کیتے ۔ قطر دے وزیراعظم افغانستان سودھے خطے اچ امن وامان دے ودھارے سانڳے پاکستان نال رل تے ??م کرݨ دے عزم دا اظہار کیتا ۔ݙوہیں رہنماواں سانجھے تعاون کوں ودھاوݨ تے ترقی دے نویں شعبیں دی نشاندہی کرݨ سانڳے اعلیٰ سطح دے تبادلے ج??ری رکھݨ تے اتفاق کیتا۔ملاقات اچ وزیر اعظم شہبازشریف قطری سرمایہ کاراں کوں پاکستان دے متنوع اقتصادی شعبیں بشمول زراعت، انفارمیشن ٹیکنالوجی اتے سیاحت اچ سرمایہ ک??ری دی دعوت ݙتی۔ انہاں غیر ملکی سرمایہ کاراں سانڳے سازگار ماحول ݙیوݨ سانڳے حکومت دے عزم اتے حکمت عملی دا قطر دے وزیر اعظم کوں ݙسایا ۔ وزیر اعظم محمد شہباز شریف قطر دے امیر اتے وزیراعظم شیخ محمد بن عبدالرحمن الثانی دا پر تپاک مہمان نوازی تے شکریہ ادا کیتا تے آکھیے انھاں دا اے دورہ پاکستان تے قطر وچال دوستی، سانجھے احترام اتے تعاون دے تکڑے تعلقات کوں مزید مستحکم کریسی۔
